Aleanca për Mbrojtjen e Teatrit Kombëtar, e mbështetur nga opozita organizoi edhe sot protestë pas prishjes së godinës së teatrit.
Kjo ishte protesta e dytë, e mbajtur një ditë pas protestës së djeshme.
Ata e cilësojnë shembjen e teatrit cënim të demokracisë dhe dëmtim të trashëgimisë tonë kulturore.
Rindërtimi i teatrit siç ishte dhe hetimi nga SPAK për tentativë vrasje janë dy prej kërkesave të artistëve.
Në protestën e sotme ndaj prishjes së Teatrit Kombëtar u bënë edhe thirrje ndaj presidentit Meta për të shpërndarë parlamentin.
Midis protestuesve, të pranishëm ishin edhe figura të njohura të skenës shqiptare. Këngëtaret Besa Kokëdhima dhe Rovena Stefa iu bashkuan thirrjes së artistëve.
I pranishëm ishte po ashtu edhe moderatori Adi Krasta.
