Ditën e sotme do të zhvillohet protestë tek Ministria e Brendshme në kuadër të humbjes së jetës së një vogëlushje të pafajshme, “mëkati” i vetëm i të cilës ishte që po lahej në breg të detit. Për vizitë shkuan disa nga krerët e politikës shqiptare ndër të cilët edhe Kryetari i Partisë së Lirisë Ilir Meta. Ky i fundit pas daljes nga familja Avdia, ku përcolli ngushëllimet për tragjedinë e humbjes së 7-vjeçares së tyre, tha se do të jetë sot në protestën e njoftuar nga shoqëria civile për këtë ngjarje.
Ai tha se në këtë protestë duhet të marrin pjesë të gjithë, si për të shprehur solidaritetin me familjen e vogëlushes, ashtu dhe për të parandaluar që ngjarje të tilla të përsëriten.
Sa i përket përgjegjësisë së shtetit, ai tha se duhej të kishin dhënë dorëheqjen të gjithë ministrat përgjegjës për moszbatimin e urdhrit për shtim masash për sigurinë e pushuesve në vend, ose do duhej që kryeministri Edi Rama duhej t’i shkarkonte, së bashku me kryetarin e Bashkisë së Himarës.
Ilir Meta: Këtu ligji e bëjnë të fortët dhe ajo paje e llahtarshme që ndodhi atje është pamje e një shteti brutal dhe të papërgjegjshëm me qytetarë të thjeshtë që rrezikohen pikërisht nga papërgjegjshmëria e shtetit të tyre. Çdo qytetar duhet t’i bashkohet kësaj proteste, për të shprehur solidaritetin me këtë familje por dhe për të parandaluar ngjarje të tilla në ë ardhmen. Nuk është e para që ndodh për shkak të papërgjegjshmërisë së shtetit. Minimumi të gjithë ministrat përgjegjës për zbatimin e qeverisë duhet të kishin dhënë dorëheqjen ose të ishin shkarkuar nga kryeministri, bashkë me kryetarin e bashkisë ku ka ndodhur kjo ngjarje e rëndë.
