Opozita dhe “Aleanca për Mbrojtjen e Teatrit” do të mbajnë sot një protestë para Bashkisë së Tiranës. Në lidhje me këtë, Policia e Shtetit ka njoftuar se ka marrë masa për të siguruar rendin dhe qetësinë gjatë zhvillimit të protestës. Për shkak të tubimit, do të ketë bllokim të përkohshëm të qarkullimit të mjeteve në bulevardin kryesor pranë Bashkisë, duke filluar nga ora 09:30. Autoritetet sugjerojnë përdorimin e rrugëve alternative, si Unaza e Mesme dhe Unaza e Madhe, deri në përfundim të tubimit.
Policia e Shtetit ka shprehur respektin ndaj të drejtës së qytetarëve për të organizuar dhe marrë pjesë në tubime paqësore, dhe u ka bërë thirrje organizatorëve dhe pjesëmarrësve të protestës për të respektuar ligjin dhe të shmangin çdo akt dhune. Ky aktivitet vjen në vazhdën e protestave të mëparshme të organizuara nga Aleanca për Mbrojtjen e Teatrit, ku janë shënuar incidente me përdorimin e objekteve të ndryshme si molotovë, që kanë rrezikuar sigurinë e policisë dhe të pjesëmarrësve.
