U bë publike edhe deklarata e plotë e Policisë së Fierit ku lajmërohet për personat e ndaluar dhe ata të arrestuar për shkak të protestave të djeshme në Patos e Roskovec.
Nga deklarata mësohet se 4 prej protestuesve tashmë janë vënë nga pranga nga policia, ndërsa 41 të tjerë janë duke u hetuar në gjendje të lirë.
Sipas policisë ata akuzohen se kanë marrë pjesë në grumbullime të paligjshme dhe kanë mbajtur të bllokuar rrugën duke penguar lëvizjen e lirë të mjeteve.
Të arrestuar janë:
– H.H, 59 vjeç, banues në Patos
– G.B, 56 vjeç, banues në Patos
– B.J, 56 vjeç, banues në Patos
– B.Xh, 56 vjeç, banues në Roskovec.
“Vazhdon puna për identifikimin dhe vënien përpara përgjegjësisë ligjore edhe të personave të tjerë, të cilët kanë marrë pjesë në këto grumbullime të kundraligjshme”, thekson policia.
Protestuesit kishin bllokuar rrugën duke kërkuar largimin e Ramës nga pushteti dhe njëkohësisht duke u përpjekur që ta ndalonin atë që të mbërrinte në aktivitetin e planifikuar, mirëpo mesa duket kjo nuk ka funksionuar, pasi Rama ka gjetur rrugë alternative për të qenë i pranishëm.
