Policia e Tiranës ka proceduar penalisht 10 persona pas protestës së organizuar në kryeqytet kundër vaksinimit ndaj COVID-19.
Specialistët për Hetimin e Krimit në Komisariatin e Policisë Nr. 1 proceduan në gjendje të lirë për veprat penale “Organizimi dhe pjesëmarrja në grumbullime dhe manifestime të paligjshme”, “Thirrje publike për veprime të dhunshme” dhe “Pengimi i qarkullimit të mjeteve të transportit” shtetasit:
- G., 51 vjeç, A. B., 21 vjeç, K. O., 43 vjeç, A. Dh., 34 vjeç, K. G., 26 vjeç, E. D., 27 vjeç, A. P., 42 vjeç, I. K., 42 vjeç, B. B., 37 vjeç dhe K. K., 42 vjeç.
Shtetasit e sipërpërmendur në një protestë të paligjshme të zhvilluar tek sheshi “Nënë Tereza” dhe më pas janë zhvendosur në bulevardin “Dëshmorët e Kombit” kanë bërë thirrje publike për veprime të dhunshme si dhe kanë penguar lëvizjen e mjeteve të transportit.
Kujtojmë këtu se protesta kundër vaksinimit po organizohet për të disatën herë radhazi, duke u mbledhur çdo të shtunë në shëshin “Nënë Tereza”. Qytetarët mblidhen bashkë dhe protestojnë kundër vendimit të vaksinimit të detyruar pasi sipas tyre kjo është një zgjedhje personale e çdo kujt dhe nuk mund t’i imponojnë të vaksinohen me detyrim. Ata kanë parashtruar këresat e tyre në lidhje me këtë çëshjte duke dalë kështu kundër vendimeve të përcaktuara nga ana e qeverisë.
