Protesta e djeshme në Patos e Roskovec ka sjellë edhe pasojat e saj. Qytetarët kanë dalë në rrugë për të protestuar kundër kryeministrit Rama dhe sot sipas Partisë Demokratike, 50 prej këtyre protestuesve janë shoqëruar në polici.
Deri më tani Policia e Fierit nuk ka dalë në asnjë deklaratë për të pranuar apo përgënjeshtruar faktin, megjithatë është përfolur gjatë për arrestimin e protestuesve me motivacionin e “ushtrimit të dhunës nga uniformave blu”.
Vizita e kryeministrit Rama ditën e djeshme, është pritur me protesta nga shumë banorë, të cilët kanë zgjedhur të bllokojnë rrugën kryesore dhe të dalin me pankarta duke kërkuar largimin e Ramës nga qeveria.
