Ndërkohë që protesta vazhdon akoma dhe studentët janë në ditën e tyre të 12-të të protestës, zëdhënësja e PD-së Ina Zhupa ka denoncuar fajtorët e gjendjes së konvikteve.
Duke iu referuar kërkesës së 6-të të tyre, ajo shkruan se fajtor për këtë gjendje të mjerueshme të konvikteve janë Erion Veliaj, dhëndri i ish-ministrit Xhafaj, Ditjon Baboçi dhe Plarent Ndreca, ish-këshilltari i ministres Lindita Nikolla.
Sipas Zhupës, fondet për konviktet menaxhohen nga këta 3 persona dhe KLSH-ja ka evidentuar një sërë shkeljesh.
Ajo shprehet se kjo treshe e përzgjedhur është në krye të administrimit, me përgjegjësi direkte për gjendjen e mjerueshme të konvikteve dhe abuzimet me fondet publike.
Denoncimi i plotë i Ina Zhupës në Facebook:
“Kushti i 6 i studenteve lidhet me mjerimin qe kane ne konvikte dhe ne Tirane kjo gjendje ka vules Erjon Veliaj dhe dhendrit te Fatmir Xhafes, vartes i tij.
Mjerimi i konvikteve te Qytetit Studenti e ka emrin Erjon Veliaj, administratori i 100% te aksioneve te kesaj shoqerie publike. Nje nga kushtet e studenteve lidhet pikerisht me shkaterrimin total te mundesise per jetese dinjitoze ne konvikte. Konviktet jane turpi i keqmenaxhimit te bashkise Tirane dhe nderkohe Veliaj na thote qe eshte dakort me studentet!!!
Me VKM nr.335, date 4.5.2016 kjo shoqeri administrimi ka kaluar nga varesia e Ministrise se Zhvillimit Ekonomik , Turizimit , per tek Bashkia Tirane me qellim per te rritur me shume efikasitetin e manaxhimit te ketyre godinave.
Me vendimin nr. 27004 date 8.9.2016
Veliaj ka zgjedhur treshen e tij si Bord te Administrimit. Skema e keqmenaxhimit ka si Bord Administrimi: dy drejtore te Erjonit, dhendrin e Fatmir Xhafes Ditjon Baboci dhe Anuela Ristani, dhe Plarent Ndrecen ish sekretarin e pgj te Lindita Nikolles, sot Krye-inspektor i Mjedisit në Ministrinë e Mjedisit.
Kjo treshe e perzgjedhur nga Erioni Betoni eshte ne krye te administrimit, me pergjegjesi direkte per gjendjen e mjerueshme te qytetit studenti dhe abuzimin me miliona me tenderat. Sipas KLSH ne raportin e saj te auditimit ky institucion evidentohet per abuzimet me fondet publike dhe demin qe i shkakton buxhetit te shtetit.”
