Ashtu siç edhe është lajmëruar ditën e sotme në orën 18:30 do të zhvillohet edhe protesta e radhës e opozitës, mirëpo një plan i ri ka dalë nga zyrtat e Partisë Domokratike. Sipas lajmërimit të bërë ditën e sotme nuk do të ketë protestë të mirëfilltë, por marshim gjithmonë me të njëjtin qëllim përfundimtar, rrëzimin e qeverisë Rama.
Në njoftimin e nxjerrë nga kjo parti theksohet se në protestë nuk do të marrë pjesë sekretari organizativ i PD-së, Sahit Dollapi, i cili njoftohet të jetë nën kujdesin e mjekëve.
“Sahit Dollapi ka qenë në çdo protestë pikë kontakti për policinë, siç e kërkon ligji, ndërsa sonte do të jetë Sekretari i Burimeve Njerëzore Ervin Minarolli.Në njoftimin që PD i ka dërguar policisë për marshimin e protestës, u ka kërkuar punonjësve të ndershëm të policisë së shtetit të mos bëhen pjesë e provokimeve dhe dhunës së paligjshme kundër qytetarëve”, thekson PD.
Nuk dihet sesa do të zgjasë marshimi apo nëse do të ketë devijime, megjithatë thuhet se dita e sotme do të jetë e qetë.
