Shtohet numri i protestuesve të opozitës, që janë shoqëruar në polici.
Shkon në 45 persona numri i tyre, ndërsa nuk theksohet ende sa prej tyre janë arrestuar.
Shoqërimet në polici filluan që mbrëmë, menjëherë pas mbarimit të protestës.
Protesta e djeshme e opozitës, është e nënta që organizohet nga shkurti e deri më tani.
Pas përfundimit të tubimit në komisariat mbërritën ish-deputetë të PD-së Edmon Spaho, Bardh Spahia, Endri Hasa, Romeo Gurakuqi, Klevis Balliu dhe Edi Paloka të cilët kërkuan lirimin e të shoqëruarve.
Protesta e opozitës nisi në orën 18:00 dhe zgjati 4 orë, ndërsa u shoqërua me përplasje të forta mes protestuesve dhe policisë, ku disa prej këtyre të fundit u plagosën.
Nga protesta pati përplasje mes policisë dhe protestuesve, ndërsa janë regjistruar edhe të plagosur nga të dyja palët.
Kujtojmë se gjatë protestës së djeshme te Parlamenti protestuesit i vunë zjarrin e dhe një makine të parkuar, si dhe thyen xhamat e një biznesi aty pranë.
