Ditën e sotme Sekretari i Përgjithshëm i Partisë Socialiste, Damian Gjiknuri ka dhënë një mesazh për protestën e opozitës para Kryeministrisë. Me anë të një postimi në Twitter, Gjikuri shkruan: “Revolucioni” Berisha-Meta siç nisi i dëshpëruar nga bulevardi, u shfry si tullumbace në oborrin e Partisë Socialiste!
Opozita mbajti sot protestën e radhës. Protestuesit u grumbulluan fillimisht para selisë blu dhe më pas me shtimin e tyre kanë zbritur në bulevardin “Dëshmorët e Kombit” me në krye kreun e PD-së Sali Berisha. Nga podium, Berisha paralajmëroi revcolucion dhe kërkoi që ndërkombëtarët të hetojnë të gjitha nismat e qeverisë për të zhdukur Opozitën. Ai i kërkoi Ramës që të dorëhiqej e të largohej nga posti. Protesta u mbyll pas një pre e gjysmë dhe kryedemokrati bëri një marshim në institucionet kryesore si Ministria e Brendshme, Bashkia Tiranë dhe KQZ. Të hënën ka sërish protestë.
Kujtojmë se Berisha bëri një deklaratë të fortë për Gjiknurin:
“Aq ka Sali Berisha respekt për ta. Kjo ndërtesë i përket popullit shqiptar, i kërkoj se aq sa respekt kanë për votën e tjetrit, aq ka Sali Berisha respekt për ta. është kthyer në simbolin e të keqes i kryesuar nga Edi Rama. Ai u ka shkaktuar shqiptarëve dramën më të madhe, ka përzënë nga vendi 937 mijë demokratë, pa parti, socialistë, të të gjitha bindjeve. Edi rama në piramidën e krimit dhe të drogës nuk është i vetëm. Ai që kryeson grupin e tyre është trafikant i shpifur dhe i turpshëm. Ai merrej në në Rumani duke u nxjerrë viza prostitutave rumune. Ata nuk mbrojnë interesa të socialistëve, po vetëm interesa kriminale të familjeve të tyre. Merr Gjiknurin, Gjiknur gurunë. O socialistë të ndershëm nëse Alda Klosit iu gjetën 700 mijë euro në dyshekë, kam Damianin tuaj, i kanë humbur 6 mln euro bashkë me të nënës së tij, ku i mori ai ato? Ia mbylli Edi Rama. Vendi i tij është në burg,”-tha Berisha.
