Opozita e cila do të protestoë sot para Kuvendit të Shqipërisë, pritet të bllokohet nga forcat e policisë.
Mësohet se sot para nisjes së protestës rreth 800 efektivë të Policisë së Tiranës dhe Forcave të Sigurisë Kombëtare (FSHN) janë vendosur para Kuvendit për të ndërtuar perimetrin e sigurisë. Masat janë marrë nga Drejtoria e Përgjithshme e Policisë së Shtetit në koordinim me DVP Tiranë.
Njoftohet se rreth zonës së Parlamentit janë instaluar kamera me rezolucion të lartë për të identifikuar çdo lëvizje të protestuesve që policia të ketë të gjitha provat e mundshme nëse do të ketë incidente. Ndërkohë, forcat RENEA janë në gatishmëri në rast se do të ketë incidente.
Po ashtu edhe autobotë me ujë ndodhen në pjesën e pasme të ndërtesës nëse do të jetë e nevojshme për të ndërhyrë.
Pritet që sot protesta të jetë më e përshkallëzuar se herën e kaluar, pasi edhe vetë Sali Berisha është shprehur se dot do të fillojë mosbindja civile masive, si brenda ashtu edhe jashë Parlamentit.
