Edhe pse është ende herët për t’u grumbulluar për protestën e orën 18:00 ditën e sotme para kryeministrisë, është bërë e ditur se 1000 protestues janë nisur tashmë nga Berati.
Nuk ka të dhëna se nga cilët qytete të tjerë do të ketë banorë, duke marrë parasysh prej një muaji tashmë të dy liderët si ai i Partisë Demokratike ashtu edhe ajo e Lëvizjes Socialiste për Integrim, janë duke zhvilluar takime me qytetarët.
Protesta e sotme është në vazhdën e atyre të mëparshme, ku është duke u kërkuar me forcë largimi i kryeministrit Edi Rama nga posti, pasi ka krijuar një shtet kriminelësh.
Opozita nuk do të heq dorë nga iniciativa e saj edhe pse ndërkombëtarët janë kundër tyre, deri në momentin që Rama nuk ka lënë postin dhe të ketë pranuar krijimin e një qeverie tranzitore.
