Protesta e opozitës në Tiranë tërhoqi vëmendjen e mediave të huaja, siç janë “The Associated Press”, “Reuters” dhe “Protothema”.
Sipas raportimeve, protestuesit bllokuan rrugët kryesore të kryeqytetit, duke akuzuar qeverinë për korrupsion dhe manipulim të zgjedhjeve, dhe kërkuan një kabinet teknik deri në zgjedhjet e vitit 2025.
AP thekson se mbështetësit e opozitës bllokuan trafikun dhe u përfshinë në përleshje sporadike me policinë, e cila përdori gaz lotsjellës dhe ujë me lëndë djegëse për të shpërndarë protestuesit.
Po ashtu, Reuters raporton se opozita ka organizuar protesta pothuajse çdo javë, duke kërkuar një qeveri të përkohshme.
Protothema gjithashtu nënvizon përdorimin e forcës nga policia dhe deklaratat e opozitës se ata janë duke udhëhequr një fushatë mosbindjeje kundër qeverisë së kryeministrit Edi Rama.
