Shërbimet qeveritare kanë marrë masa për të ruajtur strehën e dritave që ndodhet në hyrje të godinës së Kryeministrisë, pak orë përpara protestës së opozitës.
Gjatë orëve të pasdites dhe deri në mbrëmje vonë, është punuar shpejt dhe është ngritur kjo skelë që pritet të izolojë hyrjen kryesore të kryeministrisë.
Kjo masë është ndërmarrë edhe në protestën e fundit që opozita ka zhvilluar në Tiranë, disa muaj më parë.
Ndërkohë vetë Rama atë ditë nuk do të jetë në zyre, pasi të shtunën ka një aktivitet në qytetin e Vlorës.
