Opozita proteston para Drejtorisë së Policisë së Tiranës duke kërkuar lirimin e protestuesve të shoqëruar mbrëmjen e djeshme.
Mësohet se, janë mbi 50 persona të shoqëruar, të cilët janë identifikuar nga policia se kanë kryer akte dhune gjatë protestës së djeshme. Protestuesit kanë bllokuar qarkullimin në rrugën para Drejtorisë së Policisë, ndërsa bëjnë thirrje dhe për largimin e kryeministrit Edi Rama.
Vetë lideri demokrat Lulzim Basha teksa vizitoi këtë mëngjes Sahit Dollapin, sekretarin organizativ të PD-së, që u shoqërua mbrëmë nga policia dhe u lirua sot, tha se do të ishte në protestën e opozitës jokuvendore para Drejtorisë së Policisë së Tiranës. Kryedemokrati Basha dhe kryetarja e Lëvizjes Socialiste për Integrim, Monika Kryemadhi, nuk do të jenë në protestë. Para Drejtorisë së Policisë ndodhen aleatët dhe ish-deputetë të PD-së dhe LSI-së.
Në mungesë të tij, në protestë ndodhet bashkëshortja e liderit të opozitës, Aurela Basha. Mbrëmë në nisje të protestës ajo mbërriti me bashkëshortin e saj Basha në selinë blu, por në marshimin drejt kryeministrisë ajo nuk ishte e pranishme duke mos ju bashkuar në asnjë moment protestës që shpërthur në dhunë dhe sulme me bomba molotov ndaj institcioneve. Mungesa e saj ishte një paralajmërim për dhunën që shpërtheu, pasi në radhët kur ka qenë krah kryedemokratit Basha në marshim dhe gjatë protestës, dhuna nuk është përshkallëzuar në të tilla përmasa si mbrëmë në tubimin përreth 7 orë që u mbyll pas mesnate.
Ndërkohë në protestën e sotme që po organizohet tk drejtoria e policësë, bashkëshortja e kreut të PD-së ka deklaruar se jam në protestë si qytetare.
“Jam në protestë si qytetare”, ka qenë kjo deklarata e bashkëshortes së liderit demokrat, Aurela Basha e cila ka marrë pjesë në protestën para Drejtorisë së Policisë së Tiranës. “Jam këtu si qytetare e Tiranës. Kam dalë si një qytetare. Si e tillë, pra si një shtetase do të dal sa herë të më thërrasin. Situata sigurisht që është e tmerrshme”- tha ajo në nj deklaratë për mediat. Në pjesën më të madhe të protestave Zonjën Basha e kemi parë në krah të kryetarit të PD-së.
