Gjatë protestës së 8 janarit, ditën e shtunë pati akte të dhunshme dhe situata u bë kaotike. Dy ditë më pas, bëhet i ditur lajmi që me kërkesë të kryedemokratit Lulzim Basha do të mblidhet sot Kryesia e Partisë. Lajmi është bërë i ditur nga sekretari i Përgjithshëm i PD-së, Gazment Bardhi. Sipas tij, mbledhja do të nisë në orën 18:30.
Rendi i ditës do të jetë “Diskutim mbi situatën e krijuar pas dhunës së paprecedent ndaj të gjithe anëtarëve të organeve të Partisë dhe selisë së PD gjatë protestës së 8 Janarit”.
NJOFTIMI I BARDHIT
Te nderuar anëtarë të Kryesisë,
Sot në orën 18:30, me kërkesë të Kryetarit të Partisë, do të mblidhet Kryesia e Partisë, me rend dite “Diskutim mbi situatën e krijuar pas dhunës së paprecedent ndaj të gjithe anëtarëve të organeve të Partisë dhe selisë së PD gjatë protestës së 8 Janarit”.
Me respekt,
Sekretari i Përgjithshëm
Gazment Bardhi
Protesta ku demokratët lënduan demokratët ka vënë në lëvizje prokurorinë e Tiranës. Sapo është bërë me dije se ish-kryeministri Sali Berisha dhe Lulzim Basha do të thirren nga institucioni i drejtësisë për të dëshmuar në lidhje me protestën e dhunshme të 8 janarit përpara selisë së PD-së.
Kujtojmë se protesta e cila u mbajt ditën e shtunë në selinë e PD-së ishte e dhunshme, ku nuk mungoi përdorimi i mjeteve të forta dhe gazit lotsjellës. Protesta regjistroi shumë të plagosur, ndërsa pas ndihmës që Basha i kërkoi Ramës, ndërhyri dhe policia, e cila shpërndau turmën duke përdorur gaz lotsjellës. Lidhur me protestën e 8 janarit, policia ka arrestuar 34 persona, teksa 18 të tjerë janë në hetim. Mosha e të prangosurve varion nga 19 vjeç deri në 52 vjeç.
