Në lidhje me protestën e dhunshme të thirrur nga Sali Berisha, ka ardhur një reagim edhe nga kryeministri i vendit Edi Rama.
Ai ka ironizuar situatën politike në opozitë me anë të një shprehje të John Wayne.
‘Jeta është e vështirë, por budallenjtë e vështirësojnë atë edhe më shumë’., shkruan ai, ndërsa citon Wayne.
Kujtojmë që John Wayne është një ish-aktor amerikan që ka luajtur në filma Western dhe filma me tema të luftës.
Policia ka përdorur gazin lotsjellës kundjet protestuesve, ku ndër të lënduarit është edhe vetë Berisha.
Ndërkohë për sa i përket akteve të dhunshme, Policia e Shtetit ka shoqëruar 12 persona, pjesëmarrës në protestën e dhunshme sot në selinë e PD, Policia. Këta persona janë shoqëruar në komisariatin nr.1 në kryeqytet.
Mbështetës të Berishës tentuan që të hynin në ambientet e selisë blu, duke iu përgjigjur thirrjes së ish-kryeministrit që Basha të linte zyrën e tij, me pretendimin se ishte shkarkuar në një referendum të 18 dhjetorit.
Mbështetësit e ish-kryeministrit Sali Berisha kanë thyer dyer dhe dritare.
Kujtomë që më herët prokurorja e Tiranës, Elizabeta Imeraj ka mbërritur në ambientet e selisë së PD-së ku po zhvillohet protesta e mbështetësve të Sali Berishës.
Gjithashtu prezenca e OSBE në Tiranë ka reaguar përmes një postimi lidhur me kaosin e krijuar sot në Partinë Demokratike si pasojë e protestës së thirrur nga ish kryeministri Sali Berisha.
“Prezenca e OSBE-së po ndjek zhvillimet e sotme pranë selisë së Partisë Demokratike. Ne nxitim të gjithë aktorët e përfshirë të përmbahen nga çdo akt dhune dhe vlerësojmë policinë për ruajtjen e rendit publik. Protestat paqësore janë në themel të demokracisë.”- thuhet në reagimin e OSBE.
