Ditën e sotme teksa Partia Demokratike po përgatitet për protestën e 7 korrikut, janë zbuluar detaje të reja. Përmes një njoftimi për mediat, PD thekson se do të hapet selia dhe foltorja për shqiptarët.
Për herë të parë, të rinj e të reja, burra e gra, profesionistë dhe fermerë, njerëz nga të gjitha fushat e shoqërisë, do të hyjnë në seli për të shpallur shqetësimet e tyre personalisht, dhe jo nëpërmjet përfaqësuesve politikë.
Kujtojmë që më herët kreu i PD-së Sali Berisha ka deklaruar se nuk është ai që vendos për atë që do të ndodhë në protestën e 7 korrikut të thirrur nga PD.
I pyetur nëse do lejohen apo do ndalen protestuesit nëse tentojnë të hyjnë në kryeministri, Berisha është shprehur se Rama ia mbath para se të fillojnë protestat dhe se ai është njëri prej aktorëve në këtë front dhe vendimet merren nga koalicioni, nga fronti.
NJOFTIM PER SHTYP
Partia Demokratike me idenë e hapjes ndaj shoqërisë, dhe në përgatitje për frymën popullore të protestës së 7 korrikut, do të hapë selinë dhe foltoren e saj për shqiptarët.
Për herë të parë, të rinj e të reja, burra e gra, profesionistë dhe fermerë, njerëz nga të gjitha fushat e shoqërisë, do të hyjnë në seli për të shpallur shqetësimet e tyre personalisht, dhe jo nëpërmjet përfaqësuesve politikë.
Partia Demokratike, në kontratën e re sociale me shoqërinë, fton të gjithë shqiptarët që duan të ngrenë zërin, të na bashkohen çdo ditë në foltoren e selisë dhe më 7 korrik në shesh.
