Ish-kryeministri i vendit, Sali Berisha ka reaguar përmes një statusi në rrjetin e tij social Facebook duke shkruar për qëndrimin e kryeministrit Rama, i cili ftoi përsëri për dialog studentët të cilët vijojnë protestën për plotësimin e 8 pikave.
Berisha shkruan se Rama tregoi arrogancë dhe dyfytyrësi ndaj studentëve dhe e akuzoi si autorin e krizës së thellë të universiteteve.
Sipas Sali Berishës, Rama ka përdorur dhe përdor mjete për të përҫarë studentët siҫ ishte takimi me Fresh-istat dhe tani vazhdon akoma kërkon dialog dhe negociata që ata të përkulen para tij.
Ish-kryeministri e krahason Edi Ramën me Zeusin dhe thotë që paraqitet para studentëve sikur ka të gjitha fuqitë për të shkelmuar të drejtat e tyre.
Në fund Berisha e mbyll shkrimin e tij duke u bërë thirrje të gjithë qytetarëve për të mbështetur kauzën e studentëve.
Shkrimi i Sali Berishës
“Rama ne parlament, cinizem, arrogance, dyfytyresi ndaj studenteve! Te dashur miq, autori i krizes se thelle te universiteteve vazhdoi edhe sot ne diten e 9-te te protestes studentore, me cinizmen ekstrem arrogancen e paskrupullt, mashtrimin e turpshem ndaj tyre.
Perkundrejt qendrimit te prere, te drejte dhe ultimativ te studenteve per plotesimin pa kushte te kerkesave te tyre, ai vazhdon t’ju thote atyre se ato jane te drejta dhe se ai i zgjidh ato vetem ne rastse studentet shkojne ne takim me te.
Ai u kerkon pra me cinizem studenteve te terhiqin qendrimin e tyre jo negociata, jo dialog pra te perkulen para tij. Ai eshte arrogant i paskrupullt sepse paraqitet para studenteve si Zeus qe ka ne dore te gjithe fuqite per te shkelmuar te drejtat e tyre dhe per ti rivendosur ato vetem kur do dhe si do ai. Ai eshte mashtrues ordiner dhe dyfytyresh pasi çdo dite ka perdorur dhe do perdori te gjitha mjetet per ti perçare studentet. Keshtu, ai perdori takimin me freshistet por deshtoi me turp ne perpjekjen e tij per ta shitur si takim me studente, tentoi perseri dje takim ne arte por salla mbeti bosh, po ben gjithçka me veglat e tij dhe freshistet per te perçare me studentet e mjeksise ne nje takim qe perpiqet te organizoje neser. Krahas karrotes ai perdor shkopin, kercenimet, presionet, blerejet e individeve dhe grupeve te studenteve dhe pedagogeve, me qellimin e vetem qe te hape spiralin dhe labirintet e mashtrimeve siç ka mashtruar 6 vite me rradhe mbare shqiptaret.
Duke mbeshteteur fuqishem revolucionin demokratik te studenteve te Dhjetorit 2018 dhe denuar me ashpersine me te madhe qendrimim cinik, arrogant dhe hipokrit te Edvin Rames, ju bej thirrje qytetareve shqiptare te mbeshtesin me te gjitha mjetet dhe mundesite e tyre kauzen e drejte te studenteve te revoltuar, e cila ka nje rendesi jetike per te sotmen dhe te ardhmen e vendit tone! Sb.”
