Një 32-vjeҫare, italiane, humbi portofolin e saj të shtunën në mbrëmje pranë një pike karburanti në provincën Binascos në Milano. Në portofol kishte 150 euro dhe dokumentat, por e bindur se nuk do ta gjente më, ajo bëri kallëzim në polici.
Sapo nisi procedurat, policia i tha që portofoli ishte dorëzuar nga një prostitute shqiptare, 22-vjeҫare.
Portofoli iu dorëzua 32-vjeҫares i paprekur me paratë dhe dokumentat brenda.
Pasi e mori, ajo u kthye për të falenderuar prostitutën 22-vjeҫare dhe për t’i dhënë asaj një dhuratë.
Ndërkohë shqiptarja i tha që e kishte për detyrë ta bënte këtë gjë dhe sakaq shtoi se ishte e detyruar të dilte rrugëve dhe të punonte si prostitute.
“Unë nuk është se e kam zgjedhur ta bëj këtë punë, por jam e detyruar të dal në rrugë. Kur e pash portofolin e mora fshehurazi, sepse kisha frikë mos dikush më shikonte dhe do sulej për të marrë paratë dhe dokumentat.”- tha 22-vjeҫarja.
Gjithashtu, prostituta shqiptare e kishte ftuar 32-vjeҫaren italiane që ta takonte para Krishtlindjeve pasi do t’i blinte edhe ajo asaj një dhuratë.
