Këtë të premte përfaqësuesi i Bankës Botërore Emanule Salinas zhvilloi një konferencë të përbashkët për shtyp me kryeministrin Edi Rama. Gjatë fjalës së tij i pyetur nga gazetarët ai u ndal tek amnistia fiskale, një projekt shumë i diskutuar i qeverisë Rama.
Salinas e konsideroi amnistinë fiskale si një çështje komplekse, e cila duhet të shihet një tablo e gjerë për qëndrueshmërinë fiskale. Sipas tij Shqiperia ka dalë nga goditjet e viteve të fundit dhje se kujdesi fiskal ka dhënë rezultate.
Salinas: Si e përmenda me parë po punojmë me MF. Na duhet ta shohim me gjerë, ka të bëje me qëndrueshmërinë fiskale. Janë bërë shumë përpjekje për të krijuar amortizues fiskal. Bashkëpunimi që kemi pasur me MF kërkon të shohë këtë tablo më të gjerë. Pjesa e dytë e bashkëpunimit është fokusuar te menaxhimi i borxhit. Të qenit në gjendje për të pasuur fleksbilitet financiar. Ajo çfarë kemi para është se këto përpjekje kanë dhënë rezultat. Shqiperia ka dalë nga goditjet e viteve të fundit. Ky kujdes fiskal ka dhënë rezultate. Mendoj se duhet të shohim në mënyre konstante këtë tablo të gjerë. Është shumë produktiv dhe i hapur për zhvillim, jemi gjithmonë në sugjerime. Ne shprehim sugjerimet, këshillat tona që janë në më të mirën e njohurive tona teknike dhe pastaj punojmë me autoritetet për të zbatuar gjithçka që mundemi. Për mua është e rëndesishme të shihet tablo e gjerë për qëndrueshmerinë fiskale të Shqipërisë.
