Ditën e nesërme do të mblidhet Komisioni i Posaçëm Parlamentar për reformën zgjedhore.
‘Balkanweb’ ka zbardhur draftin e PS, për ndryshimet në kodin zgjedhor.
Në draft përfshihen propozime për financimin e partive, si dhe forcimin e kompetencave të KQZ.
Për shpenzimet zgjedhore PS ka propozuar nnjë ndërhyrje në pikën 21 të nenit të parë ku thuhet: “Shpenzime të fushatës zgjedhore” janë shpenzime të bëra nga ose në emër të një partie politike të regjistruar si subjekt zgjedhor, përfshirë kandidatët dhe/ose degët e saj, ose nga një kandidat i pavarur, për të promovuar një parti, kandidatët e saj ose një kandidat të pavarur në zgjedhje, ose përpjekjen për të dëmtuar perspektivën e një partie tjetër, kandidatëve të partisë tjetër ose një kandidati të pavarur.”
Gjithashtu në ndryshimet e propozuara, PS ka vendosur të forcojë rolin e KQZ. Institucionet publike qëndrore dhe vendore, duhet të raportojnë në KQZ, të gjithë veprimtarinë që do të ushtrojnë gjashtë muaj para datës së zgjedhjeve.
Në rast se KQZ do të konstatojë keqpërdorim të burimeve shtetërore, do të urdhërojë ndalimin e veprimtarisë në fjalë.
