Kryeprokurorja Arta Marku, ka qenë në Durrës dhe në një analizë të prokurorive aty, u shpreh se janë këto prokurori ato që mbartin peshën më të madhe të kriminalitetit.
Marku i ka bërë thirrje Kuvendit që të miratojë ndryshimet, ndërsa shtoi se problem mbeten ankesat e qytetarëve në media.
“Këto prokurori mbartin peshën më të madhe të kriminalitetit. Probleme mbeten ankesat e qytetarëve në media. Ndërhyrja ose mosndërhyrja, duhet kuptuar qëndrimi i Prokurorisë. Ata që nuk duan ta kuptojnë, në rregull. Dispozita kalimtare nuk i ka dhënë të drejtën prokurorisë së përgjithshme për të vazhduar procedimin disiplinor.
Askush nuk mund të pretendojë se prokurori i përgjithshëm mund të kërkoje në KLP prokurorë për procedim. Cënohet imazhi i drejtësisë. I bëj thirrje Kuvendit që të miratojë ndryshimet”- u shpreh kryeprokurorja.
