Detaje të reja tronditëse kanë dalë në dritë për guvernatorin e New York, Andrew Cuomo dhe për çështjen e hapur ndaj tij për ngacmime seksuale. Një hetim i pavarur ka konstatur se Cuomo ka ngacmuar seksualisht shumë gra, duke i puthur ato edhe pa dëshirën e tyre. Duke njoftuar rezultatet e hetimit, Prokurorja e Përgjithshme e New York, Letitia James tha se Cuomo kishte shkelur ligjet shtetërore dhe federale.
Cuomo ende nuk i është përgjigjur hetimit, por më parë i ka mohuar akuzat. Raporti ka të ngjarë të luajë një rol të madh në një hetim të veçantë të fajësimit. Hetimi u autorizua vitin e kaluar pasi disa gra dolën me akuza për sjellje të pahijshme seksuale kundër guvernatorit.
Hetuesit kaluan pesë muaj duke folur me gati 200 persona, përfshirë anëtarët e stafit dhe disa nga ata që bënë ankesa kundër tij. Dhjetëra mijëra dokumente, tekste dhe fotografi u rishikuan si pjesë e hetimit.
“Hetimi i pavarur ka arritur në përfundimin se Guvernatori Andreë Cuomo ngacmonte seksualisht shumë gra dhe duke vepruar kështu shkelte ligjin federal dhe shtetëror”, tha James.
Ajo tha se Cuomo ka ngacmuar seksualisht shumë gra duke i prekur pa dëshirën e tyre e madje duke bërë edhe komente fyese.
