Zëdhënësi i Prokurorisë Themelorë në Pejë, Shkodran Nikçi ka dhënë detaje të tjera në lidhje me vrasjen e dyfishtë që tronditi qytetin e Pejës mbrëmjen e djeshme, ku viktima mbetën Astrit Ademaj dhe Blerand Kadrijak, të dy zyrtarë të PDK-së.
Nikçi ka treguar se personi që është përfshirë në vrasje dhe që mbeti i plagosur, pra vëllai i Ademajt, Avni Ademaj, do të dalë para gjykatës ditën e nesërme.
ndër të tjera ai tregoi se i plagosuri po mbahet në paraburgim dhe është i dyshuar për veprën penale “vrasje”.
“Njëri nga të plagosurit është ndaluar, kurse prokuroria ka caktuar masën e paraburgimit për 48 orë, nesër do të del para gjykatësit. Po bëhen hetime intensive, janë sekuestruar dy armë, po ashtu gëzhojat që janë gjetur në vendin e ngjarjes”, ka thënë Nikçi për RTV Dukagjini.
Ngjarja e rëndë ndodhi mbrëmjen e djeshme në një lokal në afërsi të shkollës ekonomike “Ali Hadri” në Pejë, rreth orës 20:20. Ademaj dhe Kadrijaj ishin nw njw lokal dhe sipas informacioneve mes tyre pati njw konflikt, qw bwri qw ata tw nxirrnin armwt dhe tw qwllonin nw drejtim tw njwri-tjetrit. I plagosur mbeti vwllai i Astrit Ademajt, Avni Ademaj, i cili mw pas u arrestua nga policia.
