Projektligji i Partisë Socialiste për faljen e gjobave është miratuar në Komisionin e Ekonomisë dhe pritet të kalojë për miratim në Kuvend këtë të enjte.
Pas diskutimeve në Komision, projektligji u miratua me votat e deputetëve të mazhorancës, ndërkohë që opozita ka ngritur akuza për përdorim politik të tij për të fituar vota.
Sipas mazhorancës, ky projektligj parashikon anulimin e të gjitha gjobave të vendosura për ndërtimet e strehimeve, për punët në bujqësi dhe blegtori, si dhe për të gjitha gjobat e vendosura gjatë pandemisë, nga 1 janar 2015 deri më 30 nëntor 2024.
Nëse miratohet në Kuvend, ligji do të hyjë në fuqi deri në fund të këtij muaji.
