Kandidati për deputet i Partisë Demokratike në qarkun e Dibrës, Basir Çollaku, ka bërë një kallëzim në polici, duke pretenduar se një furgon me disa persona të panjohur po shpërndante produkte për të favorizuar parti të caktuara gjatë fushatës.
Pas denoncimit, policia ndaloi automjetin dhe shoqëroi drejtuesin e tij në komisariatin e Matit.
Njoftimi i policisë:
Më datë 08.04.2025, është paraqitur dhe ka bërë kallzim shtetasi B.Ç., 56 vjeç, banues në Tiranë, kandidat për deputet në Kuvendin e Shqipërisë pasi dyshonte se në fshatin Bushkash, Mat, disa persona të panjohur nga ana e tij, po shpëndanin produkte të ndyshme me një automjet (furgon), me qëllim favorizimin e subjekteve politike.
Menjëherë pas administrimit të kallzimit, shërbimet e Komisariatit të Policisë Mat, kanë bërë shoqërimin e drejtuesit të automjetit shtetasi F.L., sëbashku me automjetin e tij furgon, ku nga kqyrja dhe veprimet hetimore nuk u konstatua asnjë send apo veprim i kundraligjshëm.
Të gjitha veprimet janë kryer në drejtimin e Prokurorisë Pranë Gjykatës së Shkallës së Parë të Juridiksionit të Përgjithshëm Dibër.
