Kukësi e ka nisur mjaft keq këtë sezon të Superligës Shqiptare ku në dy takime ka dy humbje. Trajneri i tyre, Skënder Gega u konfirmua pas disa ditësh me Covid-19. Ekipi veri-lindor ka bërë me dije se pozitiv nga Covid kanë rezultuar edhe dy lojtarë të tjerë Godberg Barry Cooper e Mehdi Hetemaj si dhe zëdhënësi i klubit Erjon Allaraj.
Përvecc këtyre problemeve futbollistët nuk janë stërvitur për ndeshjen e ardhshme dhe kanë paralajmëruar bojkot pasi kanë 2 muaj pa marrë pagën.
Njoftimi i Kukësit:
Futboll Klub Kukësi njofton se dy futbollistët Godberg Barry Cooper e Mehdi Hetemaj dhe zëdhënësi Erjon Allaraj kanë rezultuar pozitiv me Covid 19.
Prej ditësh, futbollistët dhe zyrtari kanë shfaqur simptoma dhe janë vetëizoluar në shtëpi duke shmangur kontaktet me pjesën tjetër të skuadrës teksa në tamponët e kryer, kanë rezultuar të prekur nga COVID19.
Futbolli Klub Kukësi iu uron shërim të shpejtë dhe iu bën thirrje të gjithëve të respektojnë protokollet dhe të qëndrojnë të sigurt! #ForcaKukësi
/GazetaReforma.com/
