Kapiteneria e Durrësit pezullon lundrimet për shkak të motit të keq.
Në këto orët e fundit vendi është përshirë nga reshje shiu dhe ere që kanë rezultuar problematike sa i takon zonave bregdetare.
Forca e detit ka arritur deri në 7 ballë, duke penguar lundrimin e anijeve të tonazhit të ulët dhe të mesëm.
Peshkarexhat që prej mbrëmjes së kaluar nuk janë lejuar të dalin në det. Ndërsa që prej mesditës, anijet tregtare kanë pezulluar lundrimin deri në përmirësim të motit.
Nga ana e kapitenerisë njoftohet se subjektet që ushtrojnë veprimtari në fushën e detarisë, të marrin të gjitha masat e nevojshme për sigurimin e mjeteve në port dhe rritjen e gatishmërisë së ekuipazhit në mjetet lundrim.
