Një ngjarje e rëndë ka ndodhur në orët e para të mëngjesit të sotëm në Prizren, ku një burrë ka qëlluar me thikë familjen e tij, duke lënë të vdekur vajzën 15-vjeçare dhe duke plagosur rëndë gruan dhe vajzën tjetër, vetëm 10 vjeç.
Lajmin e ka konfirmuar zëdhënësi i Policisë së Kosovës, Shaqir Bytyçi.
“Rreth orës 06:00 kemi pranuar informatë se një person është me thikë në dorë në rrugën “Shotë Galica”. Policia ka dalur në vendin e ngjarjes, ku ka parë tre persona të lënduar, dhe njëra nga të lënduarat ka ndërruar jetë”, tha ai.
Autori, një shtetas turk me inicialet M.G., dyshohet se ka plagosur fillimisht bashkëshorten, më pas dy vajzat, ndërsa ka tentuar edhe të vetëvritet pas sulmit. Ai është arrestuar nga forcat policore në vendngjarje.
Vajza 10-vjeçare ndodhet në gjendje kritike për jetën dhe është transportuar për trajtim të specializuar në QKUK.
Ndaj të dyshuarit kanë nisur hetimet për veprën penale “Vrasje e rëndë”, nën drejtimin e prokurorit të rastit.
