Festa në Kosovë nuk ka vonuar pas fitores së Medaljes së Artë nga xhudistja Distria Krasniqi. Komiteti Olimpik i Kosovës njoftoi më herët një festë sheshin „ Zahir Pajaziti“, ku nuk munguan fishekzjarrët dhe performancat muzikore.
Në fjalën e tij, Musa Selimi, anëtar i Bordit të Komitetit Olimpik të Kosovës tha se pritet medalje edhe nga Majlinda Kelmendi, Egzon Shala etj., ndërsa konfirmoi shpresat për tu kthyer me numër të madh medaljesh. Ai u shpreh se Kosova ka yje dhe ka njerëz me zemër të madhe që e përfaqësojnë denjësisht. Më tej Selimi falenderoi për pjesëmarrjen dhe i uroi të gjithë shqiptarët për fitoren.
“Pas Majlindës po shndrisin edhe yjet tjerë. Po shndrit një yll i cili sot i dha botës një kampione të vërtetë. Presim podium edhe Majlindën, Norën, Lorianën, Akilin, Egzon Shalën, Musa Hajdarin, Donjeta Sadikun dhe shpresojmë të kthehemi me numër më të madh të medaljeve pas disa ditëve. Vlerat olimpike po shndërrisin në Kosovë, rinia jonë e shkëlqyeshme po demonstron që shteti jonë, Kosova jonë e dashur ka yje, ka njerëz me zemër të madhe që po na përfaqësojnë denjësisht. Urime Prishtinë, urime Kosovë. Faleminderit për këtë pjesëmarrje masive. Urime të gjithë shqiptarëve kudo që janë”, tha Selimi.
