Policia e Durrësit ka vijuar me kontrollet në kuadër të masave parandaluese për përhapjen e koronavirusit në vendin tonë.
Për këtë ditën e sotme është ndëshkuar me 1.000.000 lekë në rrugën e vjetër të Ndroqit, subjekti me administator shtetasin P. B., i cili kishte organizuar ceremoni martesore në kundështim me Aktin Normativ.
Dhe janë proceduar penalisht 3 shtetas të tjerë të cilët kanë organizuar ceremoni familjare dhe kanë vendosur muzikë të lartë në banesat e tyre duke prishur qetësinë publike.
Njoftimi i Policisë:
Durrës
Organizoi ceremoni martesore në kundërshtim me Aktin Normativ, ndëshkohet me masë administrative administratori i subjektit. Procedohen penalisht 3 shtetas, për veprën penale “Prishja e qetësisë publike”.
Shërbimet e Komisariatit të Policisë Durrës, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë evidentuar në rrugën e vjetër të Ndroqit, subjektin me administator shtetasin P. B., i cili kishte organizuar ceremoni martesore në kundështim me Aktin Normativ.
Për këtë subjekt, shërbimet e Policisë kanë vendosur masë administrative 1.000.000 lekë.
Gjithashtu, në vijim të kontrolleve të ushtruara në Manzë, specialistët për Hetimin e Krimeve kanë proceduar penalisht shtetasit:
Gj. B., 53 vjeç, banues në fshatin Draç, Ishëm.
M. B., 42 vjeç, banues në fshatin Bizë, Ishëm.
O. M., 56 vjeç, banues në fshatin Vardardhë, Sukth.
Këta shtetas kanë organizuar ceremoni familjare dhe kanë vendosur muzikë të lartë në banesat e tyre duke prishur qetësinë publike.
