Pas shembjes së Teatrit Kombëtar, të shumta kanë qenë reagimet e personazheve publikë.
Ai që ka reaguar ka qenë edhe regjisori Edmond Budina, i cili u është drejtuar protestuesve me thirrje të forta, duke u kërkuar që të bashkohen në protesta.
Budina ka denoncuar publikisht faktin se shembja e Teatrit Kombëtar, nisi kur brenda tij kishte njerëz.
“Ju kërkoj ndjesë që Teatri jonë u shemb, por ai vazhdon të jetojë. Sot u krye një gjest kriminal.
Aleanca për Mbrojtjen e Teatrit nuk ka vdekur. Kriminelët dhe mafiozët tentuan të vrisnin njerëzit që ishin brenda. Prishja nisi kur kishte ende njerëz brenda, ne nuk do ta falim këtë gjë.
I kërkojmë qytetarëve të Shqipërisë mosbindje civile, të thyejnë karantinën dhe të bashkohemi në protesta të vazhdueshme derisa të shporren mafiozët. I kërkojmë Presidentit që të shpërndajë Parlamentin ilegjitim”, deklaroi Budina para protestuesve.
