Ditën e sotme, policia e Korçës arrestoi Devis Hotin, si autor të dyshuar të vrasjes së 48-vjeçarit Flamur Duci.
Babai i 18-vjeçarit është shprehur se me viktimën janë kushërinj, si dhe ka mohuar, që djali i tij të ketë kryer krimin.
Sokoli ka shtuar, se në momentin kur ka ndodhur vrasja djali ka qenë në shtëpi, ndërsa ka akuzuar edhe policinë për arrestim pa prova.
“Me viktimën binim kushurinj, djali ka qenë në shtëpi, kemi patur marrëdhënie normale nuk kemi patur konflikte, ne e dhamë deklaratën ndërsa djalin na e morën, le ta gjejë policia vetë pse është arrestuar”, u shpreh babai Devis Hotit.
Flamur Duci u gjet i pajetë ditën e djeshme pranë biznesit të tij në Mborje të Korçës.
Viktima kishte një plagë afër zemrës, si dhe djegie në pjesën e sipërme të trupit.
