Shkrimtari i madh shqiptar, Ismail Kadare ka fituar çmimin Ndërkombëtar të Letërsisë, “Neustadt 2020″.
Kadare u përzgjodh fitues mbrëmjen e djeshme, shkruan “Faxweb”.
Çmimi ndërkombëtar i Letërsisë “Neustadt”, ose i quajtur ndryshe “Nobeli Amerikan”, është një çmim prej 50 mijë dollarësh, që i jepet një dramaturgu, romancieri ose poeti.
Kadare ishte pretendent edhe për Nobelin në Letërsi, por ky çmim u fitua nga austriaku, Peter Handke.
Ismail Kadare është një nga përfaqësuesit më të shquar të letërsisë shqiptare, i njohur në të gjithë botën.
Romanet e tij janë përkthyer në 45 gjuhë të botës.
Në 2005-ën, ai u nderua me çmimin “Man Booker International” dhe në 2009-ën me “Princin e Asturias”.
