Afati i 31 gushtit duket se nuk mjafton për të evakuar mijëra afganë që po presin brenda dhe jashtë dyerve të aeroportit të Kabulit.
Sipas marrëveshjes me talebanët, që nga 1 shtatori nuk duhet të ketë më asnjë trupë të huaj në Afganistan.
Rregullat e vendosura nga talebanët po bëhen gjithmonë edhe më strikte duke mos lejuar kështu asnjë tolerim në vendimet e tyre. Që prej nisjes së evakuimit shtete të ndryshme ranë dakord me talebanët se do të bënin të mundur evakuuimin e shumë personave deri më datë 31 gusht. Por ky afat kohor nuk duket sikur është i mjaftueshëm për të realizuar tërheqjen e të gjithë popullatës që ata kanë vendosur.
Prandaj në lidhje me këtë çështje ekzistojnë mundësitë që të arrihet një marrëveshje për të vazhduar me evakuimin edhe pas datës së vendosur.
Gjithsesi SHBA, Gjermania dhe Franca kanë rritur mundësitë që të ketë një shtyrje afati edhe pse talebanët kanë kërcënuar me pasoja nëse shkelet marrëveshja.
Ishte Presidenti amerikan Joe Biden ai që vendosi afatin dhe mendohet se do të jetë sërish ai që do të marrë një vendim në 24 orët e ardhshme.
Për më tepër sot mbahet dhe Samiti i G7 vetëm për çëshjen e Afganistanit ku do të merren vendime të përbashkëta se si mund të bashkëpunohet kryesisht në evakuim dhe zgjidhjen e situatës.
