BE ishte vonë për të autorizuar vaksinat Covid-19 dhe “akoma jo atje ku duam të jemi”, ka thënë Presidentja e Komisionit Evropian Ursula von der Leyen gjatë një konference ditën e sotme. Ajo gjithashtu pranoi që BE kishte qenë tepër e sigurt në lidhje me synimet e prodhimit që u përmbushën midis vonesave në fabrika.
Shefi i Komisionit është vënë në kritikë për përhapjen e ngadaltë të vaksinave të BE-së. Ndërkohë grupi farmaceutik AstraZeneca ka thënë se do të bashkojë forcat me kompaninë gjermane IDT Biologika për të prodhuar më shumë vaksina për Evropën.
Prodhuesit e vaksinave duke përfshirë ato: Oxford-AstraZeneca dhe Pfizer-BioNTech kanë shtyrë dërgimin e disa prej porosive të BE për shkak të çështjeve të kapacitetit dhe furnizimit.
Kjo ishte kritika e parë e pranuar nga zonja von der Leyen. Javën e kaluar, ajo i tha gazetës gjermane Süddeutsche Zeitung se “një vend më vete mund të jetë një skaf i shpejtë, BE është më shumë si një cisternë”.
Marrëveshja për vaksinën me BE-në është konfidenciale. Secili vend anëtar negocion me Pfizer marrëveshjet e veta të furnizimit. Eshtë e paqartë, nëse koncerni ka detyrim të verë në dispozicion sasi të caktuara mbi bazë javore apo tremujore. Vaksina e AstraZeneca ndryshe nga produktet e firmave konkurrente Pfizer dhe BioNTech si dhe Moderna është e qendrueshme edhe në temperatura më të larta e kësisoj ajo mund të injektohet edhe prej mjekëve të familjes.
AstraZeneca aplikoi javën e kaluar për licencimin në BE, ndërkohë që në shumë shtete të tjera kjo vaksinë tashmë ka nisur të përdoret. Në BE deri tani janë licencuar vetëm vaksinat Pfizer/Biontech dhe Moderna. Më 29 janar Autoriteti i BE-së për Produktet Mjekësore (EMA) mund të japë dritën e gjelbër edhe për vaksinën AstraZeneca.
