Në një bidedë telefonike Volodymyr Zelenskyy dhe Alexander Lukashenko kanë rënë dakord për “takim pa kushte” me delegacionin rus “në kufirin ukrainas-bjellorusi në rajonin e lumit Pripyat”.
“Ne ramë dakord që delegacioni ukrainas të takohet me atë rus pa parakushte në kufirin ukrainas-bjellorusi, në zonën e lumit Pripyat. Aleksandër Lukashenko ka marrë përgjegjësinë për faktin se në momentin e nisjes, negociatave dhe kthimit të delegacionit ukrainas, të gjithë avionët, helikopterët dhe granatat me raketa iu vendosën delegacionit ukrainas”, shkruan presidenti i Ukrainës Zelenskyy në llogarinë e tij në “Facebook”.
Ndërkohë, pas deklaratave që i quan “agresive” të vendeve të NATO-s, presidenti i Rusisë Vladimir Putin ka urdhëruar komandën ushtarake të vendosë forcat e parandalimit bërthamor në gatishmëri të lartë
Putin urdhëron forcat e parandalimit bërthamor në gatishmëri të lartë, ky është zhvillimi i fundit sa i përket agresionit të presidentit rus Putin ndaj Ukrainës. Gjithashtu raportohet se Putin po takon ministrin e mbrojtjes Shoigu dhe shefin e shtabit të përgjithshëm Gerasimov në Kremlin. Ai thotë se sanksionet perëndimore janë “të paligjshme” dhe ka urdhëruar vendosjen e forcave parandaluese të Rusisë – d.m.th. ato bërthamore – në “një regjim të veçantë detyre”.
Kujtojmë se të shtunën një bllok i madh apartamentesh banimi në perëndim të Kievit u goditën nga ajo që një ministër i qeverisë ukrainase e përshkroi si një raketë ruse, pasi banorët në të gjithë qytetin u detyruan të kërkonin strehim pas një nate të tmerrshme të shoqëruar nga të shtëna me armë zjarri dhe shpërthime.
