“Joe Biden do të futet në Shtëpinë e Bardhë vetëm kur të provojë që votat e tij nuk janë të vjedhura”, ky është qëndrimi i Presidentit në detyrë i SHBA-së, Donald Trump. Në një postim që ka bërë në Twitter, ai është shprehur se 80 milionë votat qesharake që Biden mori në zgjedhje janë të manipuluara.
“Biden mund të hyjë në Shtëpinë e Bardhë si President vetëm nëse mund të provojë se “80,000,000 votat” e tij qesharake nuk ishin marrë në mënyrë mashtruese ose ilegale. Kur të shihni se çfarë ndodhi në Detroit, Atlanta, Filadelfia dhe Milwaukee, mashtrim masiv i votuesve, ai ka një problem të madh të pazgjidhshëm!“, shkroi ai.
Në zgjedhjet presidenciale të 3 nëntorit, Donald Trump humbi ndaj kundërshtarit të tij Joe Biden. Trump nuk e ka pranuar rezultatin e këtyre zgjedhjeve duke argumentuar se janë të manipuluara.
/GazetaReforma.com/
