Demokracia në vendin tonë është kthyer në shqetësim jo vetëm për ne banorët e saj, por edhe për partnerët tanë evropianë.
Presidenti i Partive Popullore Evropiane, Joseph Daul, ka shfaqur shqetësimin e tij për ndodhitë e fundit në vend, të cilat mund edhe të kërcënojnë demokracinë.
Përmes një postimi në rrjetin e tij social, Twitter, Daul ka thënë se zgjedhjet e ardhshme duhet të jenë të ndershme dhe të lira dhe sigurisht që blerja e votës për të është e papranueshme, për më tepër ai ka thënë se të drejtat e opozitës në parlament duhet të respektohen.
”Jam i shqetësuar për gjendjen e demokracisë në Shqipëri. Të gjitha zgjedhjet e ardhshme duhet të jenë të lira e të ndershme, blerja e votave është e papranueshme. Të drejtat e opozitës në parlament duhet të respektohen. Nevojiten më shumë përpjekje në luftën krimit dhe korrupsionit, përfshirë zbatimin e ligjit të dekriminalizimit”, shkruan Joseph Daul.
Nuk dihet ende se cili është burimi i informacionit të Daul derisa përmend blerjen e votës, respektimin e opozitës në parlament apo luftën kundër krimit dhe korrupsionit. Megjithatë me skandalet që kanë plasur një pas një këtë vit, duket se gjerat nuk janë duke shkuar siç duhet për vendin tonë.
I am concerned about the state of #Albania's democracy. Any future #elections must be free & fair, buying votes is unacceptable. Rights of opposition must be respected in parliament. More efforts needed to fight crime & corruption, including implementing the decriminalisation law
— Joseph Daul (@JosephDaul) February 14, 2019
