Bill Nelson , i cili bri betimin në maj si kreu i Agjencisë Amerikane Të Hapësirës Ajrore ( NASA ), tha se Toka mund të mos jetë i vetmi planet me qytetërim.
Në një intervistë me Universitetin e Virxhinias javën e kaluar, Nelson ishte mjaft “mendjehapur” për mundësinë e jetës jashtëtokësore.
“Universi është shumë i madh, madje ka teori që mund të ketë universe të tjera,” tha Nelson, duke theksuar se ka shumë të panjohura: “A ka planetë të tjerë atje si Toka? Patjetër që mendoj kështu, sepse universi është kaq i madh”shprehet Nelson.
Duke theksuar se një pjesë e zbulimeve të NASA-s është kërkimi i jetës jashtëtokësore gjatë intervistës, Nelson kujtoi se pilotët luftarakë amerikanë kanë raportuar më shumë se 300 objekte fluturuese të paidentifikuara (UFO) që nga viti 2004.
“Pilotët nuk e dinë se çfarë janë këto,” tha Nelson, duke shtuar : As ne nuk e dimë. Ne shpresojmë që ata të mos kenë teknologji më të zhvilluar se ne.”
Vitet e fundit, administrata e Uashingtonit është bërë gjithnjë e më e hapur për takimet e pilotëve me UFO-t.
Një seri raportesh janë publikuar për këtë temë muajt e fundit dhe qeveria ka pranuar zyrtarisht ekzistencën e UFO-ve.
Por deri më tani, si Pentagoni ashtu edhe Shtëpia e Bardhë janë përpjekur të mos spekulojnë se këta mund të jenë “alienë”.
Sipas qeverisë, UFO-t mund të jenë thjesht fenomene natyrore që mashtrojnë pilotët.
