Presidenti francez, Emmanuel Macron ka rezultuar pozitiv me koronavirusi. Lajmi është bërë i ditur pak minuta më parë nga mediat prestigjioze botërore. Mësohet se Macron pasi ka shfaqur simptoma të koronavirusit është izoluar.
“Presidenti i Republikës është diagnostikuar sot pozitiv për COVID-19. Kjo diagnozë u bë pas një testi PCR të kryer pas shfaqjes së simptomave të para.”, tha zyra e tij në një deklaratë për mediat. Presidenca bëri me dije se Macron do të izolohet për shtatë ditët e ardhshme.
Macron do të izolohet për shtatë ditë në banesë. Ai do të vazhdojë të punojë dhe të kryejë aktivitetet e tij në shtëpi. Franca këtë javë vendosi një shtetrrethim gjatë natës për të ndihmuar në parandalimin e parhapjes së pandemisë.
Në Francë deri më tani 59,361 persona kanë humbur jetën nga Covid-19, ndërsa numri i përgjithshëm, i të infektuarve ka shkuar në 2,409,062.
