Presidenti amerikan, Joe Biden ka dalë në një koferencë për shtyp nga Shtëpia e Bardhë ka treguar bisedën që ka bërë me homologun e tij të Afganistanit, Ashraf Ghani, një ditë pasi militantët talebanë u futën në Kabul dhe morën kontrollin e vendit.
Biden ka thënë se qeveria nuk e ka dëgjuar këshillën e tij për të negociuar me talebanët që të arrinin një zgjidhje politike. Presidenti amerikan u shpreh se “z.Ghan këmbënguli se forcat afgane do të luftonin, por rezultoi që ai kishte gabuar”.
Biden ndër t ëtjera nuk u lëkund nga vendimi i tij për të tërhequr pas trupat amerikanë në Afganistan, pas 20 vitesh. Ai u shpreh se “Unë i qëndroj plotësisht vendimit tim“.
Presidenti i SHBA-ve theksoi se nuk ka qenë kurrë një kohë e mirë për t’u tërhequr, ndërsa theksoi se marrëveshja me presidentin Trump me talebanët e zvogëloi praninë e trupave amerikane në vend nga 15 mijë e 500 ushtarë në 2 mijë e 500.
Më tej ai ka thënë se marrëveshja e Trump me talebanët, detyroi që deri me 1 maj të largoheshin trupat ushtarake amerikane nga Afganistani.Biden tha se zgjedhja që duhet t ëbënte ishte ose të zbatonte atë marrëveshje, ose të kthehesh në luftë më talebanët.
“Talebanët ishin më të fortë ushtarakisht që nga viti 2001. Zgjedhja që duhej të bëja si presidenti juaj ishte ose të zbatoja atë marrëveshje, ose të isha gati të kthehesha në luftë kundër talebanëve“.
Sipas tij, nuk ekzistonte asnjë marrëveshje pas datës 1 maj për të mbrojtur trupat amerikane nga talebanët. Sjellim në vëmendje se situata në aeroportin e Kabulit vazhdon të jetë e rënduar, për shkak të numrit të math të afganëve që janë mbledhur aty për t’u larguar sa më parë nga vendi i tyre.
