Presidenti Begaj uron Donal Trumpin për “fitore si president i SHBA-së”. Ai theksoi se shpreson të intensifikojë edhe më tej bashkëpunimin, duke vënë në dukje se Shqipëria vlerëson thellësisht miqësinë e gjatë dhe partneritetin strategjik me SHBA-në.
“Urime për fitoren në zgjedhje ! Shqipëria vlerëson miqësinë tonë të gjatë dhe partneritetin strategjik, dhe unë pres që ta forcojmë më tej këtë bashkëpunim të ngushtë”, – shprehet Presidenti i Republikës Bajram Begaj.
Kreu i PD–së Sali Berisha ka shpërndarë një mesazh për fitoren e Donald Trump, i cili do të bëhet Presidenti i 47 – të i Shteteve të Bashkuara të Amerikës.
“Donald Trump triumfoi!
Kombi i madh amerikan në zgjedhjet e tij më historike riktheu madhërishëm në Shtëpinë e Bardhë, President të 47-të të SHBA, Zotin Donald Trump. Me votën e tyre plebishitare, qytetarët amerikanët u ngritën mbi hipokrizinë, mashtrimin, përpjekjet për t’iu diktuar me të gjitha mjetet udhëheqësin e tyre dhe rikthyen, zgjodhën për të ardhmen e ndritur që meritojnë. Ata votuan për vlerat themelore të njeriut dhe njerëzimit që ndajnë dhe mbrojnë njerëzit e lirë në mbarë botën, votuan për begatimin e tyre dhe paqen në botë. Me Presidentin Donald Trump, SHBA, aletatët dhe partnerët e tyre në këtë kohë luftërash janë më të sigurtë se kurrë më parë. Por qytetarët amerikanë votuan gjithashtu për shpëtimin e vendit të tyre dhe jo vetëm atij nga mafia më e rrezikshme e kohërave, mafia e George Soros.
