Pas bisedës mes Edi Ramës dhe Niko Peleshit, ka reaguar menjëherë Edmond Spaho. Politikani i djathtë nuk është përmbajtur aspak në statusin e tij në rrjetin social “Facebook”, duke bërë një reagim shumë të gjatë për Peleshin dhe kryeministrin Edi Rama.
“Qenkan turbulluar rëndë Rama dhe Peleshi për deklaratave e mia në fshatrat e Korçës, për ri-ngritjen e Bujqësisë pas 25 Prillit. Kanë të drejtë të shqetësohen e të mos ndiejnë më qetësi, sepse uragani i votave të fermerëve në Korçë dhe në të gjithë Shqipërinë, do t’i kthejë në shtëpi një herë e mirë. Ne 8 vite e falimentuan bujqësinë, fermerin e blegtorin e thjeshtë, sepse pasuruan oligarkët dhe veten e tyre, në kurriz të sakrificave të shqiptarëve në fshat e qytet. Niko Peleshit, ish-ministrit të Bujqësisë, nuk i dhimbset që mollët, patatet dhe qepët e fermerëve korçarë kalben dhe i hidhen bagëtive. Ai nuk shqetësohet për varfërinë dhe mjerimin që është shtruar këmbëkryq fshatrave të Korçës dhe Shqipërisë.
LEXO EDHE: “Si duken këta, PD dhe LSI? Rrugës jam, po vij”, zbardhet biseda mes Ramës dhe Peleshit
Për të është më mirë që qepa të vije nga Serbia, molla nga Maqedonia dhe patatja nga Egjipti, mjafton që të pasurohen oligarkët importues të këtyre mallrave. Nikos nuk i behet vonë që farerat, pesticidet, kimikatet qe hyjnë ne Shqipëri janë mallra skarco qe shiten me çmime stratosferike, mjafton te fitojnë miqtë e tij dhe te Edi Rames. Ai vete e ka një proces gjyqësor ende te pambyllur për lejimin e importit te kimikateve helmuese për njerëzit.
Nëse do kishe një minimum përgjegjësie, së paku nuk do lejoje që TVSH për mallrat bujqësorë të importit të rimbursohej 20%, kurse ajo për prodhimet vendase vetëm 6%. Çdo premtim i yni për zhvillimin e bujqësisë, është politikë dhe strategji e mirë llogaritur në programin e eksperteve tanë më të aftë dhe ata më të njohur gjermanë. Çdo reforme dhe lehtësi fiskale është e realizueshme kur taksat nuk i konsideron burim pasurimi dhe abuzimi, por detyrim ligjor për t’i përkthyer në shërbime dhe investime për qytetaret.
Niko, po ju mbaron vaji i kandilit ty dhe Ramës. Boll mashtruat. Qytetarët dhe fermerët e Korçës dhe të gjithë Shqipërisë duan ndryshim dhe një qeveri të përgjegjshme që të mendoje për ta dhe jo për oligarkët. Atë do ta kenë shumë shpejt, me Lulzim Bashën kryeministër.
https://www.facebook.com/permalink.php?story_fbid=1867471533420373&id=442305982603609
