Ish-ministri i mjedisit Lefter Koka që prej datës 16 dhjetor 2021 është në burg për shkak të aferave me inceneratorët ku akuzohet për veprat penale ‘ shpërdorim detyre’, ‘korrupsion‘ dhe ‘pastrim parash’.
Por ndërsa prej muajsh ndodhet në qeli , ish-ministri i Mjedisit, Lefter Koka i ka kërkuar Gjykatës së Lartë heqjen nga sekuestro të kantinës së verës, ku rezulton të jetë pronar me 88.19% të aksioneve. Kujtojmë që rekursi vjen pasi Koka humbi dy beteja të tjera në dy shkallë të Gjyqësorit. Biznesi i tij u vu në sekuestro pas hetimeve për inceneratorin e Elbasanit.
Më herët Koka i ka bërë rekurs Gjykatës së Lartë duke kërkuar një masë sigurie më të butë se ajo e arrestit me burg. Ish-ministri kishte kërkuar përmes avokatëve të tij mbrojtës, ndryshim të masës “arrest në burg” të Apelit të Posaçëm të dates 02 janar. Gjykata e Lartë nuk pranoi rekursin, duke lënë në fuqi masën “arrest në burg”.
Por Gjykata e Lartë i ka refuzuar rekursin ish-ministrit të Mjedisit Lefter Koka. Nga ana tjetër, mbi Lefter Kokën, i cili qëndron në burg nga 16 dhjetori, rendon një tjetër mase sigurie “arrest në burg” për llogari të hetimit të inceneratorin e Fierit.
Nga ana tjeteër, kryetarja e LSI, Monika Kryemadhi,më herët është shprehur se ish-ministri i Mjedisit, Lefter Koka, ka përfituar të paktën 500 mijë euro nga afera e inceneratorëve.
