Pas disa ditësh i shtruar në Itali për shkak të përkeqësimit të gjendjes nga covid-19, mjeku neurolog Drini Dobi fatkeqësisht ka ndërruar jetë mbrëmjen e sotme.
Shurja e mjekut Drini Dobi la pas lot e dhimbje, jo vetëm tek familjarët, të afërmit dhe miqtë, por dhe tek qytetarët e thjeshtë, tek çdo pacient që është shëruar nga ai.
Doktor Dobi u prek nga Covidi dhe gjendja e tij u përkeqësua, ndaj më datë 5 dhjetor 2020 u dërgua me urgjencë drejt Italisë.
Të gjithë, familjarët, miqtë dhe bamirës të ndryshëm, vetë qeveria u garantua për mundësimin e financimit të kurimit të doktor Dobit, mirëpo fatkeqësisht ai nuk mundi të mbijetojë, dhe pse shumë kishin shpresë.
Dr. Drini ishte neurolog me një eksperiencë pune klinike më shumë se 25-vjeçare. Ai besonte se vënia e një diagnoze të saktë është kyç në gjithë procesin e menaxhimit të sëmundjes.
Eksperienca dhe edukimi:
Pedagog i brendshëm pranë Fakultetit të Mjekësisë së Universitetit të Mjekësisë Tiranë.
Shef i Shërbimit Neurovaskular pranë Polit Administraitv të Integruar të Neuroshkencave.
Anëtar i Bordit Editorial i revistës shkencore “Clinical Trials in Degenerative Diseases (CTDD)”.
Anëtar i Bordit të Shoqatës “Medical Institute of Albania”.
Bashkautor i librit: “Alkoolizmi kronik dhe pasojat mbi sistemin nervor”.
Ka drejtuar disa projekte dhe botuar një sërë artikujsh mbi problematika të ndryshme neurologjike.
Anetar i shoqatave dhe organizata me te rëndësishme nderkombetare te Neurologjise dhe pjesëmarrës aktiv në konferencat më të rëndësishme ndërkombëtare me prezantime orale dhe në formë posteri.
Ka kryer Masterin në “Rehabilitimi fizik në Sëmundjen e Parkinsonit”
Specializuar për Neurorehabilitm në Institutin Nacional Neurologjik “Carlo Besta”, Milano, Itali
Ka kryer specializimin pasuniversitar për Neurologji në Shërbimin e Neurologjisë, Qëndra Spitalore “Nëne Tereza” . Gjithashtu ka kryer doktoraturën pranë Departamentit të Neuroshkencave mbi Rehabilitimin post Stroke.
Diplomuar në Fakultetin e Mjekësisë, Universiteti i Tiranës si Mjek i Përgjithshëm./Gazetareforma.com/
