Trupat e dy të rinjve Vilson Çutajt dhe Klement Pepajt të cilët kishin humbur prej 5 ditësh, janë gjetur nga forcat e policisë dhe banorët e zonës, në zonën malore të Vrithit, të vrarë me armë zjarri.
Dy të rinjtë dyshohet se u vranë me armë zjarri nga shoku i tyre Danjel Pepaj. Kujtojmë se të rinjtë ishin shpallur të humbur që prej datës 3 tetor.
Sipas dëshmive të dhënë nga banorë të zonës përpara se të takonte Vilsonin dhe Klementin, mësohet se Danjel Pepaj kishte pyetur bashkëfshatarin e tij nëse kishte armë.
Fillimishte Danjeli e ka mohuar se ka vjedhur kanabisin që i përkiste shokëve të tij dhe është konfliktuar me dy kushërinjtë. Pepaj më pas është rrahur nga Vilson Çutaj dhe Klement Pepaj në Bajzë.
Pasi u dhunua Danjeli ka pranuar se e ka vjedhur sasinë e kanabisit dhe i ka thënë kushërinjve që ta ndjekin pasi do t’i dërgojë tek vendi ku i ka fshehur.
Kur kanë shkuar në mal Danjeli ka marrë një armë të fshehur dhe ka qëlluar në drejtim të Vilsonin dhe Klementit.
Pepaj dyshohet se pasi i ka vrarë dy të rinjtë, i ka fshehur trupat dhe është larguar. Më pas Danjel Pepaj ka shkuar në shtëpi të ndërrohej. Sipas dëshmive një person e ka shoqëruar Danjelin deri në Zagorë dhe i ka kërkuar atij që ta çojë deri në Kastrat dhe më pas e ka paguar me para për shoqërimin.
Policia ka vazhduar kërkimet nga ajri me dron, por ende nuk janë gjetur trupat e dy të rinjve.
Menjëherë pas kësaj ngjarje të rëndë, kushërinjtë e Vilson Çutajt kanë ardhur nga jashtë Shqipërisë ku ushtronin aktivitetet e tyre.
Ndërkohë babai i Danjel Pepajt, Rrok Pepaj është ngujuar në shtëpinë e tij, pasi është druajtur nga një hakmarrje e menjëhershme kanunore.
Sipas burimeve nga fshati Vrith babai i Danjel Pepaj, Rrok Pepaj është ngujuar në shtëpinë e tij pasi familja Çutaj i ka vendosur një ultimatum për të treguar çfarë ka ndodhur dhe mbi fatin e trupave të djemve.
Ky afat tashmë ka mbaruar para dy netësh dhe tashmë Rrok Pepaj ndodhet i ngujuar. Deri para dy netësh familjet të gjitha bashkë në besë ndaj njëri-tjetrit kanë kërkuar për trupat, por tashmë ultimatumi ka përfunduar.
Me anë të dëshmive të disa banorëve të fshatit Vrith, ka shumë dyshime se ai i ka qëlluar me armë zjarri, pas sherrit për parcelat me kanabis.
Duke u bazuar tek këto dyshime, mendohet se pasi i ka qëlluar me armë, Danjel Pepaj dyshohet se ka telefonuar vëllain e tij që ndodhet në Itali duke i treguar se çfarë ka ndodhur dhe duke i thënë se “njërin e kam qëlluar në ballë direkt ndërsa për tjetrin nuk e di nëse ka vdekur apo jo”. Vëllai i tij dyshohet se i është përgjigjur duke i thënë “spostohu 30 metër dhe qëllo edhe veten se nuk ke çfarë bën më”.
Në linjën e dyshimeve mendohet se Pepaj ka zbritur nga mali dhe se ka shkuar në shtëpinë e tij dhe ka ndërruar rrobat. Më pas një person ka dyshime se e ka shoqëruar nga banesa deri në Zagorë.
Aty Danjel Pepaj i ka kërkuar një tjetër personi që ta çojë me makinë drejt Kastratit në Malësinë e Madhe duke paguar një shumë më të madhe parash për këtë rrugëtim që nuk është e zakonshme.
Që nga ky moment është e paqartë se ku ndodhet Danjel Pepaj i cili mësohet se ka thënë gjithashtu se “jam penduar që nuk kam qëlluar edhe vëllanë e Vilsonit se për ata dy nuk e kam problem”.
Danjel Pepaj dyshohet se në ndonjë banesë gjatë rrugës është mjekuar në rrugë popullore pasi ka patur dëmtime të konsiderueshme nga goditjet.
Më pas ka përfunduar në Kastrat ndërsa nuk dihet nëse është ende aty apo është fshehur në ndonjë vend tjetër. Po ashtu nuk dihet nëse ai ndodhet ende në Shqipëri, apo ka kaluar në Malin e Zi./GazetaReforma.com/
