Dhjetëra emigrant shqiptarë vijojnë të jenë të bllokuar në pikën kufitare të Kapshticës.
Mësohet se ata kanë 24 orë që qëndrojnë në tokë neutrale, pasi qeveria shqiptare ka dhënë urdhër të prerë, për të mos lejuar kalimin e tyre.
Emigrantët vijojnë t’i bëjnë thirrje qeverisë shqiptare për t’i lejuar që të shkojnë në shtëpitë e tyre.
Mësohet se mëngjesin e sotëm, 17 prej tyre janë lejuar që ta futen në kufi, ndërsa 25 të tjerë vijojnë të jenë të bllokuar.
Edhe në pikën tjetër kufitare me Greqinë në Kakavijë, ka ende disa emigrantë të bllokuar.
Kryeministri Edi Rama është shprehur se nuk do të lejojë emigrantët të futen në Shqipëri, pasi janë rrezik potencial për COVID-19.
Shefi i qeverisë garantoi se nuk do të gjobitet askush që ka kaluar afatin 90-ditor të qëndrimit.
