Të qenit prefekti i një qyteti që së fundmi nuk është folur për gjë tjetër përveçse për krime, padyshim që është një dëtyrë e madhe.
Mirëpo mesa duket prefekti i sapoemëruar i Shkodrës, Valdrin Pjetri ia ka marrë dorën shpejt dhe që pas takimit me Ministrin e Brendshëm, Sandër Lleshaj dhe Drejtorin e Përgjithshëm të Policisë së Shtetit, Ardi Veliu, duket se e ka marrë më seriozisht detyrën e ngarkuar.
Ditën e sotme Pjetri ka organizuar një mbledhje të rëndësishme më të gjithë drejtuesit rajonalë, prej nga ka kërkuar që të fjithë të hartojnë një plan të detajuar pune, mirëpo nuk i ka kusyer dhe kritikat.
Pjetri ka thëën se ata janë të parët përgjegjës për çdo dështim dhe sukses, por ajo që është më e rëndësishmja, asnjëri prej tyre nuk është i paprekshëm apo i pazëvendësueshmë.
“Sapo përfunduam një takim me drejtorët vendorë, drejtorët rajonalë të qarkut Shkodër. Fokusi i punës tonë dhe detyrat kryesore që ne iu lamë sot drejtorëve rajonalë ishte përgatitja e një plani të detajuar pune nga secila drejtori rajonale. Pasi ne shumë shpejt do të përballemi me sezonin e ri turistik dhe çdo drejtor rajonal në qarkun Shkodër është i detyruar tashmë të përgatisë një plan të detajuar pune me afate konkrete kur do realizohen dhe personi përgjegjës për këtë plan do të jetë drejtpërdrejt drejtuesi i drejtorisë rajonal në mënyrë që përgjegjësia të shkojë tek drejtori. Ky ishte fokusi kryesor i takimit tonë të sotëm”, tha Pjetri.
Fokus kryesor i takimit të gjatë ka qenë gjithashtu edhe përmirësimi i punës së tyre sa i përket shërbimeve që lidhen me qytetarët.
“U urdhëruan menjëherë që çdo drejtori rajonale të shtojë sportele në zyrat e shërbimit. Pasi tashmë ne presim një fluks të shtuar. Janë emigrantë që kthehen në vendet e tyre, qytetarë të shumtë që vizitojnë qarkun tonë shumë të bukur. Çdo zyrë shërbimi do të shtojë sportele në ofrimin e shërbimeve, sepse qytetari kur të vijnë në zyrat e shërbimit nuk duhet të presë gjatë për të marrë shërbimin e tyre, por shtimi i sporteleve do të jetë një vlerë e shtuar dhe shërbimi do të ofrohet në mënyrë të shpejtë te qytetari.
Iu bë e ditur të gjithë drejtorëve rajonalë që asnjëri prej tyre nuk është as i pazëvendësueshëm as i paprekshëm. Asgjë personale me asnjërin prej tyre, por thjesht secili drejtor duhet të marrë masa për përballimin me sukses të sezonit turistik verë 2019 dhe për ushtrimin e detyrave të tij funksionale. Fokusi jonë vazhdon është dhe do të jetë banori i qarkut tonë Shkodër”, deklaroi Prefekti Pjetri.
